Бишкек, 11.03.26. /Кабар/. Жогорку Кеңештин Эл аралык иштер, коргоо, коопсуздук жана миграция боюнча комитети бүгүн Канатбек Чыныбаевди өзгөчө кырдаалдар министри кызматына дайындоого макулдук берүү маселесин карады.
Парламенттен билдиришкендей, талапкер тууралуу маалыматты президенттин жана министрлер кабинетинин Жогорку Кеңештеги туруктуу өкүлү Бектур Зулпиев тааныштырды.
Жыйынтыгында комитет өзгөчө кырдаалдар министри кызмат ордуна Канатбек Чыныбаевдин талапкерлигин жактырып, Жогорку Кеңештин жалпы кароосуна жөнөттү.
