Бишкек,06.03.25./Кабар/. Бүгүн Бишкектин Ала-Тоо 1 жана Ала-Тоо 2 конуштарында саат 9:00дөн 18:00гө чейин турак жайларга, мектептерге, мектепке чейинки балдар мекемелерине, саламаттык сактоо мекемелерине жана башка социалдык жана өндүрүштүк объекттерге суу берүү токтотулат. Бул тууралуу мэриядан билдиришти.
Өчүрүү Ала-Тоо конушунун суу топтомосунда жана шаардагы таза суу түтүктөрүндө жүргүзүлүп жаткан оңдоо иштерине байланыштуу.
“Бишкексууканал” келтирилген ыңгайсыздыктар үчүн кечирим сурайт жана мекеме-уюмдарды жана калкты ичүүчү сууну алдын ала камдап алууну суранат.
