Бишкек, 03.03.25. /Кабар/. Казакстандын Мангистау облусунда бир үй-бүлө газга ууланып каза болду.
Tengrinews маалымдагандай, 2-мартта Баскудук айылындагы жеке турак жайдан адамдардын ууланган учуру катталган. Жерине куткаруучулар жана тез жардам бригадасы келгенде үйдөн 7 кишинин сөөгүн табышкан. Алардын бешөө жашы жете элек балдар болгон.
Мангистау облусунун Өзгөчө кырдаалдар департаментинин алдын ала маалыматтары боюнча, каргашалуу окуя газ жабдыктарын колдонуу эрежелеринин бузгандыгынан келип чыккан. Каза тапкандар Өзбекстандын Казакстанда убактылуу жашаган жарандары экени такталды.
Газга уулануунун себебин иликтөө үчүн комиссия түзүлгөндүгү белгилүү болду
