Бишкек, 26.05.26. /Кабар/. Бишкек шаарында өтүп жаткан көркөм гимнастика боюнча Азия чемпионатынын жыйынтыктоочу күнүндө өспүрүмдөр арасында Каныкей Стамалиева коло медалга ээ болду.
Дене тарбия жана спорт мамлекеттик агенттигинен билдиришкендей, ал лента менен машыгуу боюнча финалда 24.25 упай топтоп, жыйынтыгында Азия чемпионатынын коло байге ээси аталды.
Белгилей кетсек, 2025-жылы Сингапурда өткөн Азия чемпионатында Каныкей байгелүү орунга бир аз гана жетпей, 4-орунду ээлеген. Ал эми быйыл Бишкекте өткөн континенталдык биринчиликте байгелүү орунду камсыздай алды.
