Бишкек, 15.10.25. /Кабар/. Камбар-Ата-2 ГЭСинде №1 гидроагрегаттын капиталдык оңдоосу жана 110 кВ ачык бөлүштүргүчтөрдү модернизациялоо иштери уланууда. Бул тууралуу Энергетика министрлиги маалымдады.
Модернизациялоо программасынын алкагында төмөнкү иштер жүрүп жатат:
- Гидроагрегат №1ди толук капиталдык оңдоо;
- Ротор полюстарын орнотуу жана негизги түйүндөрдү текшерүү;
- Май муздаткычтарды тазалоо;
- Турбиналык валды жана башка жабдууларды оңдоо;
- 110 кВ бөлүштүргүчтөгү электр жабдууларды текшерүү жана сырдоо.
Мындан сырткары, станциянын аймагындагы унаа жолдор жана пристанциялык аймак дагы жаңыланууда. Жер казуу, бетон түп салуу жана конструкцияларды бекемдөө иштери аяктап калды.
Министрликтин маалыматына ылайык, бул иштер ГЭСтин техникалык коопсуздугун камсыздап, күз-кыш мезгилине туруктуу даярдык көрүү максатын көздөйт.
Бардык жумуштар белгиленген графикке ылайык жүрүп жатат.
