Бишкек, 18.09.26. /Кабар/. "Кызмат" мамлекеттик мекемеси жана И. Раззаков атындагы КМТУ IT-кадрларды даярдоо боюнча стратегиялык кызматташтык тууралуу меморандумга кол коюшту.
Аталган мекемеден билдиришкендей, кызматташтык жогорку квалификациялуу IT-адистерди даярдоого, студенттердин практикалык көндүмдөрүн өнүктүрүүгө жана заманбап технологияларды өздөштүрүүгө багытталган.
"Биздин башкы максат — бүгүнкү күндүн гана эмес, келечектин талаптарына жооп берген күчтүү жана атаандаштыкка жөндөмдүү IT-адистерди даярдоо. Бул кызматташтык Кыргызстандын санариптик өнүгүүсүнө маанилүү салым кошот", — деди "Кызмат" мамлекеттик мекемесинин директору Азамат Жапаров.
