Бишкек, 09.06.25. /Кабар/. Индиянын премьер-министри Нарендра Моди Түндүк союздун Жамму жана Кашмир аймагындагы Ченаб дарыясынын үстүндөгү дүйнөдөгү эң бийик темир жол көпүрөсүн ачты. Бул тууралуу Казинформ жазды.
Маалыматка караганда, көпүрө аймактагы транспорттук инфраструктураны жана туризм индустриясын өнүктүрүүгө өбөлгө түзөт.
Көпүрө Гималай тоо этектериндеги Ченаб дарыясынын үстүнө курулган, дарыянын нугунан бийиктиги 359 метр, суунун орточо деңгээлинен бийиктиги 322 метр.
Жаңы көпүрө жер титирөөлөргө, ошондой эле ылдамдыгы секундасына 74 метрге чейин жеткен шамалга туруштук бере алат. Узундугу 1,3 чакырым болгон түзүлүштүн борбордук аянты 467 метр.
Көпүрөнүн ачылышы 2019-жылы пландалган. Бирок бир катар себептерден улам, анын ичинде коронавирус пандемиясынан улам курулушту аяктоо кечеңдеген.
