Ысык-Көл, 05.09.26. /Кабар/. Угандадан келген блогер Лидия Кыргызстанга болгон сапары учурунда Бишкек, Ысык-Көл жана Караколдо болуп, өлкөнүн жаратылышына, элине жана меймандостугуна суктанганын айтты.
“Азырынча Бишкекте, Ысык-Көлдө жана Караколдо болдум. Бул жерде мага баары жакты. Элдери абдан меймандос, ачык-айрым экен. Тамак-аштары да даамдуу”, — деди ал.
Лидия Кыргызстандын жаратылышы өзгөчө таасир калтырганын белгиледи.
“Өлкө абдан кооз экен. Жаратылышы, өзгөчө бийик тоолору суктандырды. Кыргызстанды бир эле сөз менен сүрөттөсөм, “укмуштуудай” деп айтат элем”, — деп кошумчалады ал.
