Бишкек, 30.04.25. /Кабар/. Эмгек, социалдык камсыздоо жана миграция министри Равшанбек Сабиров Ош шаарында болуп, майыптуулугу бар балдарга көп функционалдуу коляскаларды тапшырды. Бул тууралуу ведомстводон маалымдашты.
Министрдин айтымында, республика боюнча жалпысынан 304 даана кресло-коляска сатылып алынган жана алар 3 жаштан 18 жашка чейинки каттоодо турган балдарга таратылмакчы.
2025-жылдын 25-апрелинен тартып кресло-коляскалар региондордогу башкармалыктарга жеткирилүүдө. Азыркы учурда 60 даана кресло-коляска аймактарга жөнөтүлдү.
Бул иш-чаралар мүмкүнчүлүгү чектелген балдардын жашоо сапатын жогорулатууга, алардын кыймыл-аракетин камсыз кылууга жана оор турмуштук кырдаалдагы үй-бүлөлөргө колдоо көрсөтүүгө багытталган.
