Бишкек 22.07.25 /Кабар/. 31-август - Эгемендүүлүк күнүнө карата көк бөрү боюнча президенттин кубогу өткөрүлөт. Бул тууралуу “Кабар” агенттигине Көк бөрү федерациясынын президенти Рамис Жунусалиев билдирди.
Жунусалиевдин айтымында, быйыл президенттин кубогу 25-жолу өткөрүлүп, эң жогорку даражадагы мелдеш болот. Ошондой эле бул оюн март айындагы көк бөрү оюну учурунда болгон кырсыктан кийин, коопсуздук эрежелерин күчөтүү менен биринчи жолу уюштурулуп жатат.
Белгилей кетсек, 12-мартта Бишкектеги жаңы ат майданда Нооруз майрамына карата өтүп жаткан көк бөрү мелдешинин ачылышында улакчылар кагышып, бир адам каза болгон. Буга байланыштуу оюн аягына чыкпай токтотулган эле.
