Бишкек, 11.06.25. /Кабар/. Министрлер кабинетинин төрагасынын орун басары Эдил Байсалов Франциянын Ницца шаарында өтүп жаткан Бириккен Улуттар Уюмунун Океан боюнча конференциясынын алкагында мамлекеттердин жана өкмөттөрдүн башчылары, ошондой эле дос өлкөлөрдүн жана эл аралык уюмдардын жогорку даражалуу өкүлдөрү менен бир катар эки тараптуу жолугушууларды өткөрдү.
Сүйлөшүүлөрдүн жүрүшүндө климаттын өзгөрүшү, туруктуу өнүгүү, айлана-чөйрөнү коргоо, билим берүү жана туризм тармактарында эки тараптуу жана көп тараптуу кызматташтыкты кеңейтүү маселелери талкууланды. Тараптар өнөктөштүктү бекемдөөгө өз ара кызыкдар экенин ырасташты.
Мындан тышкары, министрлер кабинетинин төрагасынын орун басары “Тоолордон океандарга” аттуу иш-чарага катышты. Талкуунун жүрүшүндө кыргыз тарап иш-чаранын күн тартибине кирген бийик тоолуу аймактардын кызыкчылыгында экосистемаларды сактоонун, жаратылыш ресурстарын туруктуу пайдалануунун жана эл аралык өнөктөштүктү кеңейтүүнүн маанилүүлүгүнө көңүл буруу сыяктуу негизги артыкчылыктарды белгиледи.
