Бишкек, 30.09.25 /Кабар/. Министрлер кабинетинин төрагасы Адылбек Касымалиев Евразия экономикалык биримдигине (ЕАЭБ) жана Көз карандысыз Мамлекеттер Шериктештигине (КМШ) мүчө мамлекеттердин өкмөт башчылары менен биргеликте Беларустун президенти Александр Лукашенко менен жолугушууга катышты.
Жолугушуунун жүрүшүндө интеграциялык бирикмелердин алкагында экономикалык жана саясий кызматташтыкты бекемдөө, биргелешкен долбоорлордун натыйжалуулугун жогорулатуу, заманбап чакырыктарга каршы аракеттерди координациялоо боюнча негизги маселелер талкууланды.
