Бишкек, 06.03.25. /Кабар/. Күн мурун Доха шаарында Кыргызстандын элчиси Марат Нуралиев Катардын Туризм секторунун башчысы Саад бин Али Аль-Харжи менен жолугушту.
Тышкы иштер министрлигинен билдиришкендей, жолугушуунун жүрүшүндө тараптар 2014-жылы Кыргызстан менен Катардын ортосунда туристтик чөйрөдө кызматташуу жөнүндө кол коюлган меморандумдун алкагында туристтик байланыштарды чыңдоонун жолдорун талкуулашты.
Мындан тышкары, тараптар эки өлкөнүн туристтик компанияларынын катышуусунда өз ара туристтик иш-чараларды уюштуруунун мүмкүнчүлүктөрү боюнча пикир алмашты.
Жолугушуунун жыйынтыгында тараптар сүйлөшүүлөрдүн жүрүшүндө жетишилген маселелерди мындан ары ишке ашыруу үчүн тыгыз байланышта болууну макулдашты.
