Бишкек, 29.03.26. /Кабар/. "Чоң-Кемин" мамлекеттик жаратылыш паркында масштабдуу көчөт отургузуу иш-чарасы өттү. Бул тууралуу Жаратылыш ресурстары, экология жана техникалык көзөмөл министрлигинен билдиришти.
Маалыматка ылайык, анда 5 миңден ашык терек, карагай жана өрүк көчөттөрү отургузулду.
Иш-чара Шанхай кызматташтык уюмунун түзүлгөндүгүнүн 25 жылдыгына карата, "ШКУнун жашыл алкагы" эл аралык демилгесине ылайык уюштурулду.
Быйыл "Жашыл мурас" улуттук кампаниясынын алкагында республиканын бардык аймактарында 9 млн даана бак-дарак жана бадал көчөттөрүн отургузуу пландалууда.
