Бишкек, 22.10.26. /Кабар/. Чүйдөгү "Манас" социалдык айылында майыптыгы бар адамдар үчүн төртүнчү экологиялык үй ачылды. Бул тууралуу Эмгек, социалдык камсыздоо жана миграция министрлигинен билдиришти.
Турак жай Германиянын Экономикалык кызматташтык жана өнүгүү боюнча федералдык министрлигинин (BMZ) жана өнөктөштөр бирикмесинин каржылык колдоосу менен курулган.
Ачылыш аземине Жогорку Кеңештин депутаты Гүлжан Сатиева, Чүй облусунун губернаторунун орун басары Гүлмира Кыштобаева жана Эмгек министрлигинин өкүлдөрү катышты.
Катышуучулар майыптыгы бар адамдар үчүн татыктуу жашоо шарттарын түзүүнүн маанилүүлүгүн белгилешти.
