Бишкек, 16.06.26. /Кабар/. Чүй электр тармактар ишканасынын автопаркы жаңы атайын техникалар менен толукталды. Бул тууралуу ишканадан билдиришти.
Тармакты модернизациялоо жана материалдык-техникалык базаны чыңдоо программасынын алкагында энергетиктерге 5 жаңы атайын техника тапшырылды.
Анын ичинде 25 метрлик FAW TIGER автокөтөргүчү жана SHANMON 388 экскаватор-жүктөгүчү - механизация жана автотранспорт кызматына берилди.
Курулуш-монтаждоо иштери жана көмөкчордондорду тейлөө кызматтары үчүн 3 заманбап ISUZU унаасы бөлүндү.
Белгиленгендей, автопарктын жаңыланышы электр тармактарын тейлөөнүн сапатын жана ыкчамдыгын жогорулатат. Эң башкысы - кышкысын же катуу шамалда жарык өчүп калса, авариялык-калыбына келтирүү иштерин бир топ тездетүүгө мүмкүндүк берет.
