Бишкек, 12.02.25. /Кабар/. Бүгүн, 12-февралда Улуттук илимдер академиясынын чоң жыйындар залында «Уңгу жол: учур жана келечек» аталышындагы илимий-практикалык конференция өтүүдө. Бул тууралуу мамлекеттик катчы Сүйүнбек Касмамбетов билдирди.
Аталган конференцияда Сүйүнбек Касмамбетов «Улуттук дем – дүйнөлүк бийиктик» уңгу жолу тууралуу баяндама жасап, анын максаты жана милдети жөнүндө кенен маалымат берди.
Кыргыз эли кылымдар бою өз уңгусун таап, муундан муунга өз каада-салтын, нарк-насили менен жашаган эл катары мындан ары да сакталышы керектиги, ааламдашуу учурунда кыргыз өз жүзү, өз үнүменен калыш керектиги жөнүндө абдан жакшы мисалдар менен айтты.
Иш-чарада УИАнын А.Алтымышбаев атындагы философия институтунун башкы илимий кызматкери Сулайман Кайыпов жана УИАнын Мамлекет жана укук институтунун директору Токон Мамытов жана башка окумуштуулар сөз сүйлөштү.
