Бишкек, 30.10.26. /Кабар/. Бишкектеги Токтогул Сатылганов атындагы адабий музейде залкар акындын туулган күнүнө арналган маданий-адабий иш-чара өттү.
Мэриядан билдиришкендей, ага №11 мектептин окуучулары, И. Арабаев атындагы Кыргыз мамлекеттик университетинин студенттери жана №95 лицейдин студенттери катышты.
Иш-чаранын коноктору — КР эл акыны Карбалас Бакиров, жаш акын Жуса Касиетов, санжырачы Каныбек Казыбеков жана Токтогул Сатылгановдун чөбөрөсүнүн келини Жамиля Токтогулова акындын өмүрү, чыгармачылыгы жана кыргыз маданиятындагы орду тууралуу айтып беришти.
"Программада "Манас" эпосунан үзүндүлөр аткарылып, Токтогулдун ырлары көркөм окулду. Ошондой эле комуздун коштоосунда музыкалык чыгармалар жаңырды", - деп айтылат маалыматта.
