Бишкек, 13.07.25. /Кабар/. Күн мурун Бишкектеги “Газпром-балдарга” дене тарбия-ден соолукту чыңдоо спорт комплексинде Кыргыз Республикасынын спорт чебери Митал Шариповдун жаркын элесине арналган жаш балдар жана кыздар арасында оор атлетика боюнча республикалык турнирдин салтанаттуу ачылды.
Дене тарбия жана спорт мамлекеттик агенттигинен билдиришкендей, иш-чара Кыргызстандын жети дубанынан келген катышуучулардын парады менен башталды.
Ачылыш аземинде Дене тарбия жана спорт мамлекеттик агенттигинин директору Айбек Абдымомунов сөз сүйлөп, турнирге катышкан бардык жаш спортчуларга ийгилик каалап, оор атлетика боюнча Кыргыз Республикасынын спорт чебери Митал Шариповдун ысымы улуттук спорт тарыхында унутулбай турганын белгилеп, мындай турнирлерди өткөрүү улантыларын билдирди.
Белгилей кетсек, турнир оор атлетика боюнча эл аралык эрежелерге ылайык өтүүдө.
- Балдар 49 кг, 56 кг, 60 кг, 65 кг, 71 кг, 79 кг, 88 кг, 94 кг, 110 кг, +110 кг салмак чендеринде;
- Кыздар 48 кг, 53 кг, 63 кг, 69 кг, 77 кг, +77 кг салмак чендеринде катышууда.
Республикалык турнир 14-июлда аяктайт.
