Бишкек, 18.05.26. /Кабар/. 23-26-май күндөрү Бишкек шаарында көркөм гимнастика боюнча Азия чемпионаты өтөт. Бул тууралуу Дене тарбия жана спорт мамлекеттик агенттигинен билдиришти.
Мелдеш 21-жолу юниорлор арасында жана 17-жолу сениорлор арасында уюштурулууда.
Чемпионатка 19 өлкөдөн 200гө жакын гимнаст катышат. Алардын катарында Кыргызстан, Казакстан, Өзбекстан, Кытай, Япония, Түштүк Корея, Таиланд, Монголия, Малайзия, Сингапур, Филиппин, Лаос, Тажикстан жана башка мамлекеттер бар.
Эскерте кетсек, бул мелдештин өзгөчөлүгү Азия оюндарына жана дүйнө чемпионатына жолдомо берүүчү тандоо этабы болуп эсептелет.
