Бишкек, 25.03.25. /Кабар/. Бишкек-Ош унаа жолунда жол белгилери тазаланып, айрымдары жаңы орнотулууда.
Жол кыймылынын коопсуздугун камсыздоо башкы башкармалыгынан билдиришкендей, учурда жол инспекторлору Бишкек-Ош унаа жолундагы жол белгилерине жана кооптуу абалдарына жеринен кароо иштерин жүргүзүшүүдө.
Жүргүзүлгөн иш-чаралардын алкагында аныкталган кемчиликтерди жоюу боюнча тийиштүү кызматтарга сунуштар берилип, анын алкагында жаңы жол белгилер орнотулуп, чаң басып көрүнбөй калган жол белгилер жуулуп, тазаланууда.
