Бишкек, 19.05.2025. /Кабар/. Бишкек – Ош унаа жолунда аң-чөнөктөр жамалууда. Бул тууралуу Транспорт жана коммуникациялар министрлигинен билдиришти.
Бүгүнкү күндө №9 Жол тейлөө ишканасынын кызматкерлери тарабынан жолдун 118-130-чакырымдар аралыгындагы аң-чөнөктөр жамалып, талапка ылайык келтирилүүдө.
Белгилей кетсек, аталган ишкана Бишкек – Ош унаа жолунун 60-209-чакырымдар аралыгын тейлейт. Азыркы тапта жолчулар тарабынан 2312 чарчы метр аң-чөнөктөрдү толтуруу иштери аткарылды. Алдыда жумуштар планга ылайык уланат.
