Бишкек, 23.02.26 /Кабар/. Бир катар кызмат адамдарына жогорку аскердик жана атайын наамдар ыйгарылды.
Президент Садыр Жапаров кол койгон жарлыктарга ылайык, Конституциянын 70-беренесинин 10-бөлүгүнүн 2-пунктуна ылайык Ниязбеков Улан Омокановичке «милициянын генерал-полковниги» жогорку атайын наамы, Шабданбеков Жумгалбек Кумаровичке «генерал-лейтенант» жогорку аскердик наамы, ошондой эле Намазов Акылбек Закировичке, Шадыбеков Уранбек Амановичке, Отонбаев Тариэл Зарылбековичке, Шаршеев Талайбек Имашовичке, Талипов Талантбек Медербековичке, Эрбаев Алишер Ташбаевичке «генерал-майор» жогорку аскердик наамы жана Бектурганов Малик Маамыталиевичке «юстициянын генерал-майору» атайын наамы ыйгарылды.
