Бишкек, 03.05.25 /Кабар/. Дүйнөдөгү эң ири криптовалюталык Binance биржасынын негиздөөчүсү Чанпэн Чжао бүгүн, 3-майда, Кыргызстанга иш сапары менен келди. Бул тууралуу президенттин администрациясы маалымдады.
«Ысык-Көл» эл аралык аэропортунан ардактуу конокту президенттин администрациясынын жетекчисинин орун басары – президенттин жана министрлер кабинетинин чечимдерин даярдоо боюнча башкармалыктын башчысы Азамат Кадыралиев сый-урмат менен тосуп алды.
Белгилей кетсек, сапардын алкагында президент Садыр Жапаров менен Binance компаниясынын негиздөөчүсү Чанпэн Чжаонун эки тараптуу сүйлөшүүлөрү, ошондой эле Кыргыз Республикасынын президентине караштуу Виртуалдык активдерди жана блокчейн технологияларын өнүктүрүү боюнча Улуттук кеңештин биринчи жыйынына катышуу мерчемделген.
