Бишкек, 29.04.25. /Кабар/. Бүгүн билим берүү жана илим министри Догдуркүл Кендирбаева Улуу Ата Мекендик согуш маалында оорукта иштеген эмгек ардагерлери менен жолукту.
Ведомстводон маалымдашкандай, ардагерлер Бурул Дүйшалиева жана Жамал Акунова билим берүү тармагында эмгектенип, өз эмгек жолдорун Билим берүү министрлигинде жыйынтыкташкан.
Догдуркүл Кендирбаева ардагерлерди министрликтин атынан куттуктап, аларга атайын белектерди тапшырды.
Ардагерлер өткөн күндөрдү эскерип, азыркы учурдагы алектенип жаткан иштерин бөлүшүштү.
Министр билим берүү жаатындагы жаңылыктар менен тааныштырып, кеңири маек курду.
Ардагерлер Билим берүү министрлигинин жалпы жааматына ийгилик каалап, батасын беришти.
