Бишкек, 15.07.25. /Кабар/. 12-июль - Адвокатура күнүнө карата Баткен облусунун Кызыл-Кыя шаарында спорттук иш-чара өттү. Бул тууралуу Адвокаттар кеңешинен билдиришти.
Маалыматта белгиленгендей, иш-чара адвокаттар арасында сергек жашоо образын жайылтуу жана кесиптештер ортосундагы ынтымакты чыңдоо максатын көздөдү. Мындан сырткары, иш-чара аймактык адвокатуралардын активдүүлүгүн арттырууга жана региондордогу укуктук маданиятты өнүктүрүүгө багытталды.
Адвокаттар бул ирет мини-футбол, волейбол, шахмат боюнча мелдешишти.
Жеңүүчүлөргө кубок, медаль жана грамоталар тапшырылды.
Эске салсак, Адвокатуранын адвокаттар кеңеши 2024-жылы да спорттук иш-чараларды өткөргөн..
