Бишкек, 08.07.25 /Кабар/. Күн мурун, 7-июлда 15 жашка чейинки балбандар арасындагы Азия чемпионатынын үчүнчү күнүндө эркин күрөш боюнча мелдештер өттү.
Дене тарбия жана спорт мамлекеттик агенттигинен билдиришкендей, мелдештердин жыйынтыгында Кыргызстандын курама командасы 5 медаль - 1 алтын, 2 күмүш, 2 коло жеңип алды.
Алтын медаль ээси:
48 кг салмакта Марсел Ооганов.
Күмүш медаль ээлери:
- 38 кг салмакта – Умар Баатырбеков;
- 44 кг салмакта – Адилет Муканбетов.
Коло медаль ээлери:
- 57 кг салмакта – Билал Дөлөталиев;
- 62 кг салмакта – Абреил Аманов.
Белгилей кетсек, өспүрүмдөр жана жаштар арасындагы күрөш боюнча Азия чемпионаты Кыргызстандын борбор калаасындагы «Бишкек Арена» спорттук комплексинде өтүп жатат.
