Бишкек, 09.04.26. /Кабар/. Бишкекте спорттук күрөш боюнча Азия чемпионаты уланууда.
Дене тарбия жана спорт мамлекеттик агенттигинен билдиришкендей, бүгүн, 9-апрелде мелдештин төртүнчү күнүндө килемге кыз-келиндер күрөшүнүн өкүлдөрү чыгып, 53, 57, 62, 65 жана 72 кг салмак категорияларында байге орундары үчүн күч сынашат.
Кыргызстандын курама командасынын балбандары:
- 53 кг — Азиза Келдибекова;
- 57 кг — Таңчолпон Кыбалбекова;
- 62 кг — Дилназ Сазанова;
- 65 кг — Гулнура Таштанбекова;
- 72 кг — Нурзат Нуртаева.
Алдын ала кармаштар саат 11:30да башталат. Ал эми финалдык беттештер 18:00дө башталып, 68 кг чейинки салмакта Мээрим Жуманазарова жана 76 кг чейинки салмакта Айпери Медет кызы алтын медаль үчүн беттештерин өткөрүшөт.
