Бишкек, 06.04.26. /Кабар/. Бүгүн, 6-апрелде Бишкек шаарындагы “Жаштык” арена спорт комплексинде грек-рим күрөшү боюнча Азия чемпионаты башталды.
Дене тарбия жана спорт мамлекеттик агенттигинен маалымдашкандай, тандоо этаптарындагы кармаштардын жыйынтыгына ылайык эми Кыргызстандын курама командасынын төрт балбаны финалга чыгуу үчүн күч сынашат.
Алар:
- Улан Муратбек уулу (55 кг чейинки салмак категориясы);
- Афтандил Таалайбеков (63 кг чейин);
- Акжол Махмудов (77 кг чейин);
- Асан Жанышов (87 кг чейин).
Жарым финалдык беттештер бүгүн саат 18:00дө башталат.
