Бишкек, 09.12.25. /Кабар/. Алмаз Касымалиев УТРКнын башкы директорунун маалымат боюнча орун басары болуп дайындалды. Бул тууралуу УТРКнын сайтында маалымдалат.
Тиешелүү буйрукка УТРКнын башкы директору Улан Сатиев кол койгон.
Өмүр баяны:
Касымалиев Алмазбек Талипович 1981-жылы 30-апрелде Ысык-Көл облусунун Ак-Суу районундагы Чолпон айылында туулган. Билими жогорку.
Иш тажрыйбасы:
2002-жылы УТРКнын «Кыргызстан» чыгармачыл-өндүрүштүк бирикмесинин кабарчысы болуп иштеп баштаган.
Кийинки жылдары:
- УТРКнын таңкы көрсөтүүлөрүнүн «Кутман таң» студиясынын башкы редактору;
- «Ала-Тоо» маалымат-аналитикалык борборунун кабарчылар бөлүмүнүн башчысы;
- УТРК “Ала-Тоо” маалымат программалар дирекциясынын директору;
- КТРК “Ала-Тоо” маалымат программалар дирекциясынын директорунун орун басары;
- КТРК “Маалымат” бирикмесинин шеф-редактору;
- КТРК Көркөм кеңешинин төрагасы кызматтарын аркалаган;
- 2022-жылдын ноябрынан тарта КР Улуттук телерадиоберүү корпорациясынын “Улуттук биринчи каналынын” продюсери болуп иштеп келген.
Сыйлыктары:
1. “КТРК отличниги” төш белгиси 2011-жыл;
2. “КР Маданиятынын мыкты кызматкери” төш белгиси 2013-жыл;
3. Кыргыз Республикасынын “Ардак грамотасы” 2015-жыл;
4. КР Өкмөтүнүн “Ардак грамотасы” 2018-жыл;
5. КР “Маданиятына эмгек сиңирген ишмер” 2022-жыл.
Үй бүлөлүү, үч уулдун атасы.
