Бишкек, 26.06.25. /Кабар/. Министрлер кабинетинин төрагасы Адылбек Касымалиевдин Кытайдын Тяньцзинь шаарына болгон иш сапары аяктады.
Министрлер кабинетинин башчысы Бүткүл дүйнөлүк экономикалык форумдун жылдык жыйынынын ачылыш аземине катышып, «Жайкы Давос - 2025» жана «Бир алкак, бир жол» демилгеси кайда баратат?» деген темадагы панелдик сессияда сөз сүйлөдү.
Форумдун алкагында министрлер кабинетинин төрагасы Адылбек Касымалиев Кытайдын Мамлекеттик кеңешинин премьери Ли Цян, Вьетнамдын премьер-министри Фам Мин Тин менен, ошондой эле бир катар кытай компанияларынын жана уюмдарынын жетекчилери менен эки тараптуу жолугушууларды өткөрдү.
