Бишкек, 03.06.25 /Кабар/. Министрлер кабинетинин төрагасы Адылбек Касымалиев 4-5-июнь күндөрү Тажикстандын Душанбе шаарына иш сапары менен барат.
Иш сапарынын алкагында министрлер кабинетинин төрагасы Көз карандысыз Мамлекеттер Шериктештигинин өкмөттөрүнүн башчыларынын кеңешинин жыйынына катышат. Отурумдун жүрүшүндө соода-экономикалык, илимий-техникалык жана маданий-гуманитардык тармактарында сүйлөшүүлөр жүргүзүлүп, чечимдер кабыл алынат.
Ошондой эле, эки тараптуу жолугушуулар өткөрүлөрү жана бир катар документтерге кол коюлары пландалууда.
