Бишкек, 28.08.25. /Кабар/. Министрлер кабинетинин төрагасы Адылбек Касымалиев Фискалдык жана инвестициялык саясат боюнча кеңештин жыйынын өткөрдү.
Жыйындын күн тартибине төмөнкү маселелер киргизилген:
- 2026-2030-жылдарга Кыргызстандын фискалдык саясатынын негизги багыттарынын долбоору;
- 2025-жылдын 1-жарым жылдыгы үчүн мамлекеттик инвестициялык долбоорлордун бюджетинин аткарылышы.
Эки маселе боюнча тең финансы министри Алмаз Бакетаев баяндама жасады. Ал 2026-2030-жылдарга Кыргызстандын фискалдык саясатынын негизги багыттарынын долбоору, ошондой эле 2026-2028-жылдарга бюджетти түзүү үчүн контролдук цифралар жөнүндө баяндама жасады.
Ошондой эле финансы министри 2025-жылдын 1-жарым жылдыгы үчүн мамлекеттик инвестициялык долбоорлордун бюджетинин аткарылышы жөнүндө баяндама жасады.
Күн тартибиндеги маселелерди кароонун жыйынтыгы боюнча финансы министринин баяндамалары эске алынды.
Адылбек Касымалиев жылдын аягына чейин 2025-жылга бекитилген республикалык бюджетте каралган мамлекеттик инвестициялык долбоорлордун алкагында каражаттарды толук өздөштүрүүнү камсыз кылуунун маанилүүлүгүн баса белгиледи.
