Бишкек, 28.04.25. /Кабар/. 29-апрелде Баткен облусунда талаа күнү өтөт. Бул тууралуу Суу ресурстары, айыл чарба жана кайра иштетүү өнөр жайы министрлигинен билдиришти.
Маалыматта айтылгандай, анда багбан-дыйкандарга мөмө-жемиш өсүмдүктөрүнүн сорттору, көчөт отургузуу схемалары, бутоо, коргоо, тамчылатып сугаруу системасын орнотуу боюнча кеп-кеңештер берилет.
Талаа күнү Айыл чарба өсүмдүктөрүн жана багбанчылыкты экспертизалоо департаменти тарабынан уюштурулат.
Иш-чара Кадамжай районунун Марказ айылында жайгашкан Мөмө-жемиш жана декоративдүү өсүмдүктөрдүн отургузуу материалын өндүрүү жана сатууга адистешкен “Арпа Сай Береке Багы” айыл чарба кооперативинин базасында болот.
