Бишкек, 26.03.25. /Кабар/. Бүгүн Бишкекте өткөн брифингде билим берүү жана илим министринин орун басары Лира Самыкбаева 2-класстын окуучулары кандай программа менен окутула турганын айтып берди.
Анын айтымында, алар 1-класстан кийин которулган 2-класстын окуучулары жана быйыл дароо 2-класска киргендер болот.
“Албетте, экинчи класстардын саны көбөйүүдө, алар эки программа боюнча окутулат. 1-классты аяктаган 2-класстын окуучулары эски программа боюнча, ал эми 2-класска дароо кирген окуучулар жаңы программа боюнча окутулат”, - деди ал.
2-класска мугалимдер жетиштүүбү деген суроого министрдин орун басары жооп берген жок.
