Бишкек, 21.05.25. /Кабар/. Медициналык практикадан уникалдуу окуя: Кыргызстандын тургуну Дайырбек Эргешов жөтөлгө даттануу менен дарыгерге кайрылгандан кийин кокусунан жүрөк шишиги деген диагноз коюлган. Түркияда эрте аныктоо жана жогорку технологиялык операциянын жардамы менен бейтаптын өмүрү сакталып калды.
Жөтөлдөн таң калтырган диагнозго чейин
39 жаштагы Дайырбек Эргешов жөтөлдүн узакка созулган белгилери менен дарыгерлерге кайрылган. Өпкөсүн рентгенге тартканда дарыгерлер жүрөктүн чоңоюп кеткенин байкашып, шектенүүлөрү жаралган. Андан кийинки тереңдетилген текшерүүдө, анын ичинде Эхо-КГ жана МРТ жыйынтыктарында жүрөктүн оң дүлөйчөсүндө шишик бар экенин тастыктады.
"Түркияга барууга камынып жатканда дарыгерим операцияны көтөрө албай калышым мүмкүн экенин айтты. Мен рентгенге түшпөгөндө шишик байкалбай калмак", - деди Эргешов.
Түркиядагы татаал операция
Бир нече эл аралык клиникалар менен кеңешүүлөрдөн кийин Эргешов биринчи жоопту Liv Hospital Ulus (Стамбул) ооруканасынан алган. 2024-жылдын декабрь айында ага алдынкы кардиохирургдар – профессор, доктор Ахмет Озкара жана доктор Халил Хюзмели операция жасашкан.
Операция жети саатка созулуп, өзгөчө тактыкты талап кылды. Өлчөмү 8×10 см болгон шишик дем алуу жолдорун кысып, жүрөк дүйлөйчөлөрүнүн ортосундагы аралыкка кирип кеткен. Пайда болгон шишикти толук алып салуу мүмкүн эмес болчу, бирок шишиктин көбү алынып салынган. Калгандарын химиотерапия жана таргеттик терапия аркылуу дарылоо керек.
"Мындай шишиктер өтө сейрек кездешет - 100 миңге бир учурдан аз. Операция кечиктирилгенде жүрөк токтоп калышы мүмкүн эле", - деп белгиледи профессор Озкара.
Калыбына келтирүү жана божомол
Бир нече айдан кийинки текшерүүнүн жыйынтыгы боюнча, шишиктин көлөмү 90%га азайган. Дарыгерлер бейтаптын толук жашоого кайтып келишин алдын ала айтуу менен дарылоону көзөмөлдөөнү жана тууралоону улантууда.
"Кандай гана белги болбосун, атүгүл жөтөл сыяктуу коопсуз көрүнгөн симптомдор да олуттуу патологиядан кабар бериши мүмкүн. Бул учурда эрте диагноз коюу жана өз убагында операция жасоо адамдын өмүрүн сактап калды", - деп баса белгиледи дарыгер.
Liv Hospital Ulus, кардиохирургия бөлүмү
Prof. Dr. Ahmet Özkara
Media Inquiries: asset@flcommunications.co.uk | +90 (533) 020 25 54
Подробнее: www.livhospital.com/ru/prof-md-ahmet-ozkara
