Бишкек, 29.06.26. /Кабар/. Бүгүн, 29-июнда "Кыргыз Деңизи" санаторийинде жогорку окуу жайлардын педагогикалык кызматкерлери арасында өтүп жаткан "Ден соолук" спартакиадасынын алкагында футзал боюнча мелдештер жыйынтыкталды.
Дене тарбия жана спорт мамлекеттик агенттигинен билдиришкендей, кызуу таймаштардын жыйынтыгында байге ээлери төмөнкүдөй аныкталды:
45 жашка чейинкилер арасында:
- 1-орун: Ош мамлекеттик университети;
- 2-орун: К. Карасаев атындагы Бишкек мамлекеттик университети;
- 3-орун: Б. Осмонов атындагы Жалал-Абад мамлекеттик университети.
45 жаштан жогоркулар арасында:
- 1-орун: Ош мамлекеттик университети;
- 2-орун: И. Раззаков атындагы Кыргыз мамлекеттик техникалык университети;
- 3-орун: К. Карасаев атындагы Бишкек мамлекеттик университети.
"Спартакиада окутуучулардын арасында сергек жашоо образын жайылтуу жана жогорку окуу жайларынын ортосундагы достук мамилелерди чыңдоо максатында өткөрүлүүдө", — деп айтылат маалыматта.
