Бишкек, 17.12.25. / Кабар/. Жогорку Кеңештин төрагасынын биринчи орун басары болуп "Элдик" депутаттык тобунан Чыңгыз Ажибаев шайланды.
Жашыруун добуш берүүгө 87 депутат катышып, анын ичинен 82 депутат "макул", 5 депутат "каршы" добуш беришти.
Ал эми кийинки орун басары болуп "Адилет Кыргызстан" тобунан Жылдыз Таалайбек кызы шайланды. Жашыруун добуш берүүнүн натыйжасында бардык 87 депутаттын 85и "макул", 2 депутат "каршы" добушун беришти.
Жогорку Кеңештин төрагасынын дагы бир орун басары болуп "Мекенчил" тобунан Карим Ханджеза шайланды. Ага жалпы 87 эл өкүлүнүн ичинен 73 "макул", 8 "каршы", ал эми 6 депутат добуш берген эмес.
Эскерте кетсек, буга чейин парламенттин төрагалыгына Нурланбек Тургунбек уулу шайланган.
