Бишкек, 13.04.26. /Кабар/. Жогорку Кеңештин төрагасы Марлен Маматалиевдин катышуусунда Туруктуу өнүгүү максаттарына (ТӨМ) байланышкан депутаттык жумушчу тобунун жыйыны өттү.
Парламенттен билдиришкендей, жыйынга депутаттар, тиешелүү мамлекеттик органдардын жана эл аралык уюмдардын өкүлдөрү катышты.
Төрага өлкөдөгү реформалар менен долбоорлорго токтолуп, бул багытта өнөктөштөрдүн колдоосу өтө маанилүү экенин айтты.
Анын айтымында, 2030-жылга чейин төмөнкүдөй көрсөткүчтөр пландалууда:
- Ички дүң продукция (ИДП) кеминде 30 млрд долларга жеткирүү;
- ИДПны жан башына 4,5 миң долларга чейин көтөрүү;
- Реалдуу экономикалык өсүштү жыл сайын 8%дан кем эмес деңгээлде кармоо.
Төрага Марлен Маматалиев бул отурум глобалдык максаттарды талкуулоо жана аларды ишке ашырууда парламенттин ролун кеңейтүүгө багытталган маанилүү аянтча экенин белгиледи. Ошондой эле Жогорку Кеңеш бул стратегиялык максаттарга жетүү үчүн керектүү укуктук-ченемдик актыларды иштеп чыгууга өзгөчө көңүл бурушу зарыл экени белгиленди.
