Бишкек, 12.12.25 /Кабар/. Министрлер кабинетинин төрагасынын орун басары – УКМК төрагасы Камчыбек Ташиев Баткен облусундагы 2021 аскер бөлүгүнүн “Жаңы-Жер” чек ара заставасынын жаңы имараты расмий түрдө ачылышына катышты. Бул тууралуу Region телеканалы билдирет.
Маалыматта белгиленгендей, жаңы курулган заставада аскер кызматкерлеринин кызмат өтөөсү жана жашоосу үчүн бардык зарыл шарттар каралып, заманбап жабдуулар менен камсыздалды.
Анда сырткары, чек ара кызматкерлери үчүн эки кабаттан турган, 40 батирлүү жаңы турак жай да курулуп, пайдаланууга берилди. Буга чейин бул чек ара заставасында аскерлер үчүн жетиштүү шарттар түзүлгөн эмес, кызматкерлер ар кайсы жерлердеги ижара үйлөрүндө жашап келишкен.
