Бишкек, 08.10.26. /Кабар/. Түркмөнбашы шаарында бүгүн, 8-октябрда Борбор Азия мамлекеттеринин жана Азербайжандын мамлекет башчыларынын Консультативдик жолугушуусунун алкагында Кыргызстандын президенти Садыр Жапаровду Түркмөнстандын президенти Сердар Бердымухамедовдун тосуп алуу аземи болуп өттү.
Саммитке ошондой эле Казакстан президенти Касым-Жомарт Токаев, Тажикстан президенти Эмомали Рахмон, Өзбекстан президенти Шавкат Мирзиёев жана Азербайжан президенти Илхам Алиев катышууда.
Тосуп алуу аземи жана биргелешкен сүрөткө түшүү аяктагандан кийин мамлекет башчылары жыйындар залына өтүштү.
