Бишкек, 04.07.25. /Кабар/. Замбиянын улуттук паркындагы сафари учурунда эки турист пилдин кол салуусунан улам каза болгон. Бул тууралуу Ассошиэйтед Пресс агенттиги полициянын маалыматына таянып жазганын, РИА Новости кабарлады.
Анда белгиленгендей, көз жумган эс алуучулардын бири 68 жаштагы британиялык аял болсо, экинчиси 67 жаштагы жаңы зеландиялык жаран экени аныкталган.
Пилдин аялдарга кол салуусуна ботолорун кызганып коргогону себеп болгону айтылууда. Гиддер жаныбарды токтотууга аракет кылышып, асманга ок чыгарышкан. Бирок андан майнап чыккан эмес.
