Бишкек, 04.11.26. /Кабар/. Ысык-Көлдүн акваториясынан бир күндө 1 миң 400 метр балык уулоочу тор жана 20 килограмм таштанды чыгарылды. Бул тууралуу Жаратылыш ресурстары, экология жана техникалык көзөмөл министрлиги билдирди.
Маалым болгондой, торлор менен таштанды 3-ноябрда Тоң жана Ысык-Көл райондорунун аймагындагы рейд учурунда чогултулган.
Белгилей кетсек, жыл башынан бери өлкөнүн суу объектилеринен 160 миң метрден ашык балык уулоочу тор жана 4 тоннага жакын таштанды чыгарылган.
