Бишкек, 08.09.26. /Кабар/. Ысык-Көл облусунун Тоң районунда билим берүү тармагынын кызматкерлери арасында беш күндүк спартакиада старт алды.
Билим берүү жана илим кызматкерлеринин кесиптик бирлигинин борбордук комитетинен билдиришкендей, мелдеш 8-12-сентябрь күндөрү өтөт.
Спартакиадага өлкөнүн жети облусунан, шаардык жана райондук комитеттерден, жогорку жана атайын кесиптик орто окуу жайлардан келген кызматкерлерден түзүлгөн жалпы 42 команда катышууда. Алар волейбол, футбол, шахмат, стол тенниси жана тогуз коргоол боюнча күч сынашат.
"Белгиленгендей, спорттук иш-чараны уюштурууга жана өткөрүүгө 2 млн сомго жакын каражат бөлүнгөн. Спартакиаданын негизги максаты – кызматкерлер арасында ынтымакты жана кызматташууну бекемдөө, ошондой эле сергек жашоо образын жайылтуу", - деп айтылат маалыматта.
