Бишкек, 14.10.26. /Кабар/. 13-октябрда Бишкекте Дөлөн Өмүрзаков атындагы башкы спорттук аренада мамлекеттик органдардын кызматкерлеринин спартакиадасы башталды.
Дене тарбия жана спорт мамлекеттик агенттигинен билдиришкендей, иш-чара мамлекеттик кызматкерлер арасында сергек жашоо образын калыптандыруу жана спортту жайылтуу максатында уюштурулду.
Агенттиктин директору Урмат Асанбаев спартакиада көп жылдан бери өткөрүлбөй келгенин белгилеп, мындан ары жыл сайын уюштуруларын билдирди.
Мелдештер 19-октябрга чейин уланып, катышуучулар волейбол, футзал, тогуз коргоол, шахмат жана стол тенниси боюнча күч сынашат.
Спартакиада эки тайпада өткөрүлөт: күч түзүмдөрү, ошондой эле министрликтер менен башка мамлекеттик органдар.
