Бишкек, 16.09.26. /Кабар/. Саламаттык сактоо министри Дамир Осмонов Ысык-Ата районунун Жалпы дарыгерлик практика борборуна барып, бир катар жаңы объектилердин — үй-бүлөлүк дарыгерлер тобунун (ҮДТ), тез медициналык жардам кызматынын жаңы имаратынын, сейил бактын жана балдар аянтчасынын ачылышына катышты.
Саламаттык сактоо министрлигинен билдиришкендей, жаңы объектилердин ачылышы Кант шаарынын тургундары үчүн медициналык жардамдын жеткиликтүүлүгүн жана сапатын жогорулатууга, ошондой эле медициналык адистердин иштөөсү үчүн ыңгайлуу шарттарды түзүүгө багытталган.
Учурда Ысык-Ата Жалпы дарыгерлик практика борборунун курамында 21 үй-бүлөлүк дарыгерлер тобу жана 35 фельдшердик-акушердик пункт бар.
Мекеме 220 миңден ашуун калкка медициналык кызмат көрсөтөт.
