Ылай-Талаа – Гүлчө жолунун 55 чакырымы оңдолууда

Аймак
copyright icon Транспорт министрлиги

Бишкек, 19.11.26 /Кабар/. Кара-Кулжа районундагы Ылай-Талаа – Гүлчө унаа жолунун 55 чакырымын реконструкциялоо иштери жүрүп жатат.

Транспорт жана коммуникациялар министрлигинин маалыматына ылайык, учурда 8 чакырым тилкеге асфальттын биринчи катмары төшөлдү.

"Долбоордо жолду 16 метрге чейин кеңейтүү жана эки катмар асфальт төшөө каралган. Асфальттын жалпы калыңдыгы 15 сантиметрди түзөт", - деп айтылат маалыматта.

Курулуш иштерине 140ка жакын жумушчу жана атайын техникалар тартылган. Асфальт өндүрүү үчүн бир асфальт-бетон заводу иштеп жатат.

Жолду реконструкциялоо иштеринин жүрүшү жана сапаты министрликтин көзөмөлүндө.