Бишкек, 12.08.2025. /Кабар/. Япониянын түштүгүндө нөшөрлөп жааган жамгырдын кесепетинен бир нече адам дайынсыз жоголду. Бул тууралуу Казинформ агенттиги жазды.
Маалыматка караганда, жамгыр Японияда Буддисттердин Бон фестивалы өтүп жаткан аптада күчөп, өзгөчө кырдаалды жараткан. Кюсюда Кагосима менен Хаката шаарларындагы жергиликтүү поезддер токтотулду.
Япониянын метеорологиялык агенттигинин маалыматына караганда, Кумамото префектурасында акыркы сутка ичинде 40 сантиметрден ашуун жамгыр жааган.
Учурда куткаруучулар дайынсыз жоголгон адамдарды издеп жатышат.
