Бишкек, 03.06.25. /Кабар/. Якутияда токойдон чыккан өрт өчүрүлдү. Эми калктуу пункттарга коркунуч жаралбайт. Бул тууралуу Известия билдирди.
Маалыматта айтылгандай, өткөн суткада Верхоянск, Момск жана Усть-Майсктын аймагында төрт жерден өрт тутанган. Тилсиз жоо жалпы 2677 гектарды каптаган.
Өрттү өчүрүүгө 161 адам жана 13 техника тартылган.
Өрт өчүрүүчүлөрдүн координациялык ишинин натыйжасында токойдон чыккан өрт өчүрүлдү.
