Бишкек, 19.05.25. /Кабар/. Россиянын Мамлекеттик Думасынын төрагасы Вячеслав Володин Жамааттык коопсуздук келишим уюмунун парламенттик ассамблеясынын бардык катышуучуларын өз ара аракеттенүүнүн жаңы натыйжалуу жолдорун табуу жана ишке ашыруу үчүн күч-аракеттерди бириктирүүгө чакырды.
"Биздин парламенттин алкагындагы негизги милдетибиз – бул маселени чечүү үчүн уюмубуздун укуктук талаасын калыптандыруу. Албетте, анын алдында ЖККУга мүчө-мамлекеттердин башчыларынын жолугушуусу болот, чечимдер иштелип чыгат, анан биз бул макулдашууларды уюштуруусунун мыйзамда каралышы үчүн бардык күч-аракетибизди жумшайбыз. Өткөн жылдары 97 типтүү мыйзамдар, ченемдик укуктук актылар жана сунуштар кабыл алынган. Сиздер менен бул маселени консенсустун негизинде чечип жатканыбызды эске алганда бул чоң иш. Сандык көрсөткүчтөр жөнүндө сөз кылганда бул факторду да эске алуу керек. Бул жерде бизде жөнөкөй эмес, 100% колдоо менен көтөрүлгөн чечимдер бар. Бизден талап кылынгандардын баарын жасашыбыз керек", - деди ал.
Ал комиссиялардын алкагында олуттуу иштер менен алектенип, демилгелерди даярдап жаткан кесиптештерине ыраазычылык билдирип, мыйзамдарды шайкеш келтирүүнүн алкагында кабыл алынган мыйзам актыларына жана сунуштарына негиз боло турган сунуштарды натыйжалуу иштеп чыгуунун жаңы ыкмаларын издөөнү сунуштады.
Ошондой эле ал Ассамблеянын бардык катышуучуларын өз ара аракеттенүүнүн жаңы натыйжалуу форматтарын табуу жана ишке ашыруу үчүн күч-аракеттерди бириктирүүгө чакырды.
